Gürcüstanın regional inkişaf nazirinin birinci müavini Levan Zautaşvili, İmereti üzrə dövlət nümayəndəsi Levan Zalkaliani və Tğibuli Munisipalitetinin meri Davit Kublaşvili Tğibuli Munisipalitetində Kursebi kəndində inkişaf edən sürüşmə prosesi nəticəsində zərər çəkmiş əhalini ziyarət ediblər.

Tğibuli Meriyasının məlumatına əsasən, hakimiyyət nümayəndələri müvəqqəti olaraq otellərə yerləşdirilmiş ailələrin vəziyyəti ilə tanış olub, onların mövcud ehtiyacları barədə məlumat alıblar və vaxtında reaksiya verilməsi üçün tədbirləri planlaşdırıblar.

“Həmçinin, zərər çəkmiş ailələrə fəlakət zonasındakı vəziyyətlə bağlı ən son məlumatı veriblər. Əhaliyə ehtiyac olduqda müvafiq tibbi xidmət göstəriləcək, paralel olaraq isə onların ilkin ehtiyaclar – ərzaq, məhsullar və dərmanlarla tam təmin olunması operativ şəkildə həyata keçirilir. Fəlakət zonasından 45 ailə təxliyə edilib və onlar Tğibuli və Kutaisinin otellərinə yerləşdiriliblər.

Qeyd etmək lazımdır ki, hazırda Kutaisi-Tğibuli-Ambrolauri avtomobil yolunun altıncı kilometrliyində nəqliyyatın hərəkəti dayandırılıb, çünki sürüşmüş torpaq kütləsi yolun zədələnməsi və bağlanmasına səbəb olub. Kutaisi istiqamətində avtonəqliyyat yerli yolla, Mağaro kəndindən keçməklə hərəkət edir. Kursebi, Berodzeebi və Qoqolaşvilebi hissələrində inkişaf etmiş sürüşmə proseslərinə görə yaradılan fövqəladə qərargah 24 saat fasiləsiz iş rejimində fəaliyyətini davam etdirir” – Tğibuli Munisipalitetinin Meriyasının məlumatında qeyd olunub.