Gürcüstanın Rəqabət və İstehlakçının Müdafiəsi Agentliyi (GCCA) avtomobil yanacağı bazarında cari monitorinq çərçivəsində 2025-ci ilin birinci rübünün nəticələrini dərc edir.

Hesabata əsasən, yanvar ayında benzin və dizelin qiymətlərində artım, fevral-mart aylarında isə azalma qeydə alınıb. Agentliyin məlumatına əsasən, yanvar ayında pərakəndə qiymətin artımı əksər hallarda maya dəyərinin artması ilə əlaqədar olub. Xüsusilə, şirkətlər səviyyəsində pərakəndə qiymətin artımı orta hesabla 5-10 tetri təşkil edib, idxal edilən/daxili bazardan alınan malın dəyəri isə bəzi şirkətlər halında 3-10 tetri artıb.

“Yanvar ayında maya dəyərinin artması amili bütün şirkətlər halında mühüm deyil. Müvafiq olaraq, qiymət artımı bütün şirkətlər tərəfindən böyük ölçüdə qiymətlərin paralel hərəkəti (paralelizmi) ilə izah olunur, bu isə müzakirə olunan bazar üçün tarixi olaraq xarakterikdir.

Fevral-mart aylarında qiymətin azalması bir sıra şirkətlər halında idxal edilən/daxili bazardan alınan yanacağın dəyərinin azalması ilə əlaqədar olub. Bu sahədə də elə hallar mövcuddur ki, konkret şirkətlərin konkret markalı yanacaq üçün maya dəyəri azalmayıb, lakin bütün şirkətlər tərəfindən qiymət praktiki olaraq, eyni dövrdə azaldılıb.

Xüsusilə, fevralın 1-dən aprelin 1-dək olan dövr ərzində benzinin qiyməti böyük şirkətlər seqmentində 7-10 tetri, dizel 8-10 tetri, kiçik şirkətlər seqmentində isə benzinin qiyməti 15-20 tetri, dizel 30-40 tetri azalıb” – Rəqabət və İstehlakçının Müdafiəsi Agentliyindən bildirirlər.

Onların məlumatına əsasən, böyük və kiçik şəbəkələr arasında eyni tip yanacaq üzrə qiymətlər arasındakı fərq belədir: “Regular” benzin üzrə 24-44 tetri, “Premium” benzin üzrə 19-33 tetri, dizel üzrə isə 29-46 tetri.

Agentlikdə qeyd edirlər ki, xam neftin qiyməti 2025-ci ilin aprel ayında əlavə olaraq 8-10 faiz azalıb və azalma tendensiyasını qoruyub saxlayır.

“Milli valyutanın sabitliyi və beynəlxalq bazarlarda xam neftin/platsın qiymətinin azalma trendinin qorunub saxlanması şəraitində, pərakəndə qiymətlər ölkədə qısa müddətli perspektivdə (may ayında) azalmalıdır” – agentlikdə bildirirlər.

Onların məlumatına əsasən, 2024-cü ildə 47 şirkət tərəfindən ölkəyə 1 668 280 000 litr yanacaq idxal edilib. Üç böyük idxalçının bazarda idxal səviyyəsindəki payı 44 faizə, beş böyük idxalçının payı isə 62 faizə qədərdir. Bazarda idxal səviyyəsi aşağı konsentrasiyalıdır. Eyni dövr ərzində pərakəndə bazarda 1238 yanacaq doldurma stansiyasını 383 şirkət idarə edirdi. Beş böyük şirkətin müvafiq bazarın pərakəndə səviyyəsindəki payı 66-67 faiz arasındadır, kiçik şəbəkələr seqmentinin ümumi payı isə 33-34 faiz təşkil edir.