Gürcüstanın Rəqabət və İstehlakçının Müdafiəsi Agentliyində istehlakçının hüquqlarının müdafiəsi sahəsində 2025-ci ilin yeddi ayında 733 müraciət qeydə alınıb, daxil olan zənglərin sayı isə 2310 təşkil edib. Qeyd etmək vacibdir ki, daxil olan müraciətlərin sayı 2024-cü ilin eyni dövründə daxil olan müraciətlərin sayından 45% çoxdur.

Hesabat dövründə Agentliyin qərarı ilə 130 iş üzrə istifadəçilər qrupunun hüququnun pozulmasının 87 faktı təsdiq edildi.

Agentlik tərəfindən qoyulmuş öhdəliklərin yerinə yetirilməməsinə görə 40 ticarətçiyə 75 iş üzrə ümumilikdə 33 000 lari məbləğində cərimə kəsilib.

İstifadəçinin xeyrinə şərti öhdəlik götürülməsi barədə 104 iş üzrə 94 razılaşma bağlanıb, bu da ticarətçilərin fəaliyyətlərinin daxili siyasətini dəyişmək və ehtimal ki, onların ticarət siyasəti nəticəsində zərər görmüş istifadəçilərin hüquqlarını bərpa etmək öhdəliyi götürməsi deməkdir.

Bununla yanaşı, Rəqabət Agentliyində bəyan etdikləri kimi, 2025-ci ildə istifadəçilər tərəfindən daxil olmuş müraciətlərin 67%-i onlayn ticarət faktına, 33%-i isə əşyanın yerində alınması halına aid olub. Regionlara əsasən, Tbilisi 79% ilə liderlik edir, sonrakı yeri 5% ilə Acara, 4% ilə İmereti, 3% ilə Kaxeti, 2% ilə Kvemo Kartli və digər regionlar tutur.

“Yeddi ayın məlumatlarına əsasən, istehlakçılar tərəfindən agentliyə daxil olan müraciətlərə əsasən, pulun qaytarılması tələbi ilə bağlı 245, qüsurlu əşyanın təmiri və ya dəyişdirilməsi ilə bağlı 231, qüsurlu xidmət zamanı hüquqların bərpası ilə bağlı 125, müəyyən edilmiş müddətdə malın çatdırılması üzrə 44, yanıltıcı fəaliyyətin qadağan olunması üzrə 26, digər məsələlər üzrə isə 62 müraciət qeydə alınıb.

Statistikaya əsasən, 73%-i topdan və pərakəndə ticarət sektoru, 10%-i nəqliyyat və anbar təsərrüfatı, 17%-i isə digər fəaliyyət növləri tuturdu” – Gürcüstanın Rəqabət və İstehlakçının Müdafiəsi Agentliyində qeyd edirlər.