Böyük Britaniyada öz oyunları üçün bütün milləti və dövləti qurban verməyə hazırdırlar – bu haqda Parlamentin İnsan Hüquqlarının Müdafiəsi Komitəsinin sədri Rati İonatamişvili deyib.

Onun sözlərinə əsasən, Böyük Britaniyada Ukrayna və Ukrayna xalqının taleyi ilə ümumiyyətlə maraqlanmırlar.

“Bu, ikili standart deyil, siyasi cəhətdən əxlaqsız mövqedir, çünki sanki bir əli ilə Rusiyaya qarşı addımlar atmaq üçün hər şeyi edirlər, o biri əli ilə sanksiyaları ləğv edirlər və tərəfdaşlığa doğru addımlar atırlar. Bu o deməkdir ki, Böyük Britaniyada Ukrayna və Ukrayna xalqının taleyi ilə ümumiyyətlə maraqlanmırlar. Onlar öz oyunları üçün bütün milləti və dövləti qurban verməyə hazırdırlar. Bu fonda onların gürcü mediasına qarşı ədalətsiz münasibətindən danışa bilərik. “Imedı”yə heç bir izahat olmadan sanksiya tətbiq etdilər. Böyük Britaniya bürokratiyası ədalətli və obyektiv hakimiyyətin necə olmamalı olduğunun tarixi nümunəsidir” – İonatamişvili bildirib.

Məlumat üçün bildirək ki, Böyük Britaniya Hörmüz boğazının bağlanmasına görə rus neftinə qarşı sanksiyaları yüngülləşdirib.