Parlament çoxluğunun üzvü Rati İonatamişvili deyir ki, “İsani” metrosunda baş verən hadisə heç kimin, xüsusən də fiziki məhdudiyyətli şəxsə qarşı zorakılıq tətbiq etməyə cəsarət etməyəcəyi nümunəvi hadisə olacaq.

“Bu, bir nümunə olacaq ki, bizdə heç kim vətəndaşa, xüsusən də iziki məhdudiyyətli şəxsə qarşı zorakılıq tətbiq etməyə cürət edə bilməz. Heç kim hər hansı cinayət və zorakılıq faktına laqeyd baxmağa cürət edə bilməz.

Digər tərəfdən, qəti şəkildə qeyd etmək istərdim ki, bu günlərdə o qədər insan və qruplardan fiziki məhdudiyyətli şəxslərə qarşı nifrət dolu çıxışlar eşitmişik, sanki bu insanlar fiziki məhdudiyyətli şəxslərin hüquqlarını müdafiə edir, etiraz edirlər, amma bu fiziki məhdudiyyətli şəxslərə qarşı nifrət nitqi və ayrı-seçkilik terminologiyasıdır. Bu, onların bu mövqedə səmimi olmadıqlarını və ikiüzlülüklə məşğul olduqlarını vurğulayır. Hər bir şəxs dərk etməlidir ki, bu və ya digər qrup insanlar, onların ehtiyacları barədə ictimaiyyətə açıqlama verməyi öhdəsinə götürəndə ayrı-seçkilik, nifrət nitqi ilə deyil, düzgün danışmalıdır”, – Rati İonatamişvili bildirib.