Ədliyyə naziri, Rati Breqadzenin Ermənistana səfəri başa çatdı. Ədliyyə Nazirliyinin mətbuat xidmətinin məlumatına görə, sonuncu rəsmi görüş Rati Breqadze ilə Ermənistan Respublikası Milli Assambleyasının spikeri, Alen Simonyan oldu. Nazir onu dünən iki ölkə arasında imzalanmış memorandumda nəzərdə tutulan Gürcüstan və Ermənistan arasında yeni əməkdaşlıq formatı ilə tanış etdi.

Görüşdən sonra Gürcüstan Ədliyyə naziri Ermənistana səfərini dəyərləndirdi: “İki gün ərzində çox gərgin gündəmimiz var idi. Bu günlərdə biz tamamilə yeni əməkdaşlıq formaları barədə razılığa gəldik və bunun ilk ifadəsi fevralda Gürcüstanda keçiriləcək Gürcüstan-Ermənistan hüquq forumu olacaq”.

Rati Breqadze qeyd etdi ki, erməni tərəfi Gürcüstanın yenilikləri – səyyar Ədliyyə Evləri, PROBBOX və sistemli torpaq qeydiyyatı islahatı ilə çox maraqlanır, bunun barəsində gürcü tərəfi Ermənistanda geniş miqyaslı təqdimat keçirdi. Nazir Ermənistanda cəza çəkən Gürcüstan vətəndaşlarına Armavir Cəzaçəkmə Müəssisəsində baş çəkməyə icazə verdiyinə görə erməni həmkarına təşəkkürünü bildirdi.

“Mən Ermənistan Respublikasında cəza çəkən Gürcüstan vətəndaşlarına Armavir Penitensiarında baş çəkməyə icazə verdiyinə görə erməni həmkarıma təşəkkür edirəm və erməni həmkarlarımıza məhbusların hüquqi statusunun çox yüksək səviyyədə qorunmasını təmin etdiklərinə görə, təşəkkür etmək istərdim”, – Rati Breqadze bəyan etdi.

Gürcüstanın Ədliyyə naziri Gürcüstan-Ermənistan münasibətlərinin uğurlu olacağına ümid etdiyini bildirdi: “Əsasını birlikdə qoyduğumuz əməkdaşlığa uğurlar arzulayıram. Əminəm ki, biz birlikdə hüquqi əməkdaşlıq sahəsində bütün çağırışlara ləyaqətlə cavab verəcəyik”.