Gürcüstanın Baş naziri İrakli Kobaxidze BMT-də akkreditə olunmuş müxtəlif ölkələrin daimi nümayəndələri ilə görüşüb.

Hökumət administrasiyasının mətbuat xidmətinin məlumatına görə, görüşdə Gürcüstanın iqtisadi və investisiya imkanları müzakirə olunub. Hökumət başçısı bildirib ki, ölkədə sülh və sabitlik təmin olunub və bu, iqtisadi inkişafın əsas şərtidir.

“Çoxşaxəli formatlarda əməkdaşlıq və dialoqun əhəmiyyəti vurğulanıb, xüsusilə dünyada təhlükəsizliklə bağlı artan çağırışlar nəzərə alınaraq.

Tərəflər Gürcüstan ilə BMT arasında uzunmüddətli və səmərəli əməkdaşlığı müzakirə ediblər. Diqqət Gürcüstan tərəfindən irəli sürülən və BMT Baş Assambleyası tərəfindən hər il qəbul edilən “Abxaziya, Gürcüstan və Tsxinvali bölgəsi/Cənubi Osetiya, Gürcüstan – məcburi köçkünlər və qaçqınların statusu haqqında” qətnamənin dəstəklənməsinin vacibliyinə yönəlib.

Hökumət başçısı görüşdə Gürcüstan hökumətinin sülh siyasətindən danışıb və daimi nümayəndələrə Gürcüstanın suverenliyi və ərazi bütövlüyünə, eləcə də tanınmama siyasətinə göstərilən dəstəyə görə təşəkkür edib”, – deyə rəsmi məlumatda bildirilir.