Quram Macaraşvili – Avropa İttifaqına bu gün bizə təklif olunan formada daxil olsaq, suverenliyi qorumağa həqiqətən ehtiyacımız qalmayacaq, çünki artıq suverenliyimiz olmayacaq

Avropa İttifaqına bu gün bizə təklif olunan formada daxil olsaq, suverenliyi qorumağa həqiqətən ehtiyacımız qalmayacaq, çünki artıq suverenliyimiz olmayacaq – bu haqda “Xalqın Gücü” partiyasının icraçı katibi Quram Macaraşvili deyib.

Macaraşvilinin sözlərinə əsasən, avrobürokratiya artıq gizlətmir və deyir ki, Gürcüstan suverenliyini Brüsselə təhvil verməli və Avropa İttifaqına bundan sonra daxil olmalıdır.

“Bizə birbaşa deyirlər ki, Avropa İttifaqına daxil olacaq kiçik ölkələr suverenliksiz qalmalıdırlar və əlbəttə, suverenliyi Brüsselə təhvil verməlisən. Yəni, illər əvvəl bunu gizli edirdilərsə və namizədlərə “suverenliyinizi qoruyacağıq” deyib realda onu əllərindən alırdılarsa, bu gün artıq birbaşa deyirlər və gizlətmirlər – “Avropa İttifaqına daxil olmaq istəyirsənsə, suverenliyi təhvil ver, çünki suverenliyə ehtiyacınız yoxdur, biz özümüz həll edərik” deyirlər. Bu gün avrobürokratiya bunu deyir. Sovet İttifaqı dövründə suverenliyimiz heç olmasa konstitusiyada var idi və Gürcüstanın öz məsələlərini özü həll etməsi üçün mübarizə aparırdıq. Bu gün birbaşa deyirlər ki, suverenliyi Brüsselə təhvil verib Avropa İttifaqına elə daxil olmalısan. Brüssel bizə deyir ki, əcdadın İlia Cavcavadzenin üç əsas hipostazını –”Ata yurdu, dil, inanc”ı unut. Sovet İttifaqı dövründə, 1978-ci ilin aprelin 14-də Kreml dövlət dilinin gürcü dili əvəzinə rus dili olması barədə qərar qəbul edəndə gürcü cəmiyyəti ayağa qalxdı və sovet rəhbərliyi geri çəkildi. Bu gün isə bizə deyirlər ki, “biz nə qərar qəbul etsək, onu icra etməlisiniz və Avropa İttifaqına bu şərtlə daxil olacaqsınız” — Macaraşvili bildirib.