Yanıq Mərkəzinin rəhbəri Quqa Kaşibadzenin sözlərinə görə, Tkibuli mədənində xəsarət alan 8 nəfərdən üçü yanıq və reanimasiya şöbəsindədir. Onun sözlərinə görə, onlardan birinin vəziyyəti xüsusilə ağırdır.

“Sübh çağı səkkiz mədənçi gətirildi. Onların metan partlaması nəticəsində müxtəlif bədən xəsarətləri aldığı bildirilir. Üç nəfər yanıq və reanimasiya şöbəsinə yerləşdirilib, onlardan birinin vəziyyəti xüsusilə ağırdır.

Bu mərhələdə hər kəsin sağlamlığı yaxşıdır. Vəziyyəti nisbətən ağır olan xəstənin bədəninin 60%-i zədələnib. Bu, tənəffüs yollarının zədələnməsi və davamlı şokla müşayiət olunur”, – Quqa Kaşibadze deyib.

Tkibuli mədənində gecə saatlarında baş verən insident nəticəsində 1 nəfər vəfat edib, 8 nəfər yaralanıb. Gürcüstanın Birinci Kanalına Daxili İşlər Nazirliyindən verilən məlumata görə, faktla bağlı Cinayət Məcəlləsinin mədən, tikinti və ya digər işlərin görülməsi zamanı təhlükəsizlik qaydalarının pozulmasını nəzərdə tutan 240-cı maddəsi ilə istintaq başlayıb.