Tanrı insanı cəzalandıranda onu axmaq edir. Bunun ən yaxşı nümunəsi “Yalanın Formula”sıdır – axmaqlıq, vicdansızlıq. Bir neçə həftə əvvəl onlar mənim haqqımda 16 yalan və böhtanın deyildiyi süjet hazırlayıblar – bu haqda kinorejissor Qoqa Xaindrava bildirib.

Xaindrava bununla əlaqədar məhkəmədə iddia qaldıracağını deyib.

“Məhkəmədə iddia qaldıracağam, bu böhtan və yalana görə cavab tələb edəcəyəm. Bundan başqa, Gürcüstan vətəndaşlarını bu media terrorundan və media faşizmindən qoruyacaq fond yaradacağıq. Ötən şənbə günü “Yalanın Formula”sı məni ləyaqəti, vicdanı və vətəni olan normal bir insanın ağlına gəlməyən bir şeydə günahlandırdığı süjet hazırladı. Pul müqabilində 2000 hindistanlı və pakistanlını qanunsuz olaraq Gürcüstana gətirməkdə və bunun üçün dörd milyon pul almaqda gürcü kişisini ittiham etmək üçün Kezeraşvili və ya Tarqamadze olmalısan. Bu “Yalanın Formula”sına söz vermək istəyirəm ki, onlara, bu şərə və təkcə onların şərinə deyil, mütləq son qoyacağam. Bu fondda təkcə mən deyil, həm də gürcü cəmiyyətinin böyük bir hissəsi birləşəcək və özlərini, ailələrini, övladlarını və nəvələrini bu şərdən və bədbəxtlikdən hər cür qoruyacaq” – Qoqa Xaindrava qeyd edib.