Qiymətləndirmə və İmtahanlar Milli Mərkəzinin statistik məlumatına əsasən, abituriyentlər tərəfindən seçmə fənlər arasında ən böyük maraq tarix və riyaziyyat fənlərinə olub. Tələbat görən fənlər sırasında həmçinin biologiya, kimya, vətəndaş təhsili, coğrafiya, fizika, ədəbiyyat, təsviri və tətbiqi incəsənət var.

Statistik göstəricilər bu şəkildə bölünür:

19 700-dən çox abituriyent tarix fənnini seçib;

15 400-dən çox abituriyent riyaziyyat fənnini seçib;

4500-dən çox abituriyent biologiya fənnini seçib;

2500-dən çox abituriyent kimya fənnini seçib;

2500-dən çox abituriyent vətəndaş təhsili fənnini seçib;

2500-dən çox abituriyent coğrafiya fənnini seçib;

1700-dən çox abituriyent ədəbiyyat fənnini seçib;

1100-dən çox abituriyent fizika fənnini seçib;

280-dən çox abituriyent təsviri və tətbiqi incəsənəti seçib.

“Məlumatlar göstərir ki, abituriyentlərin maraq dairəsi rəngarəngdir və həm humanitar, həm də dəqiq və təbiət elmləri istiqamətlərini əhatə edir. Əvvəlki ildə olduğu kimi, tarix və riyaziyyat fənlərinə olan xüsusi tələbat bu il də qorunub saxlanılıb.

Seçmə fənlərin statistikası abituriyentlərin maraqları, peşəkar prioritetləri və ali təhsil proqramlarına olan tələbat barədə mühüm məlumat verir” — Qiymətləndirmə və İmtahanlar Milli Mərkəzinin məlumatında deyilir.