Qiymətləndirmə və İmtahanlar Milli Mərkəzi 2026-cı ilin imtahanları ilə bağlı müəllimlik imtahanlarına qeydiyyatdan keçmiş namizədlər üçün məlumatlandırıcı görüş keçirəcək.

İstənilən şəxs “Microsoft Teams”in linkindən istifadə etməklə görüşdə iştirak edə bilər.

“İbtidai pillənin kombinə edilmiş imtahanı (I-IV siniflər), gürcü dili və ədəbiyyatı (I-VI siniflər) və riyaziyyat (I-VI siniflər) fənlərinə həsr olunacaq görüş mayın 29-da, saat 14:00-da başlayacaq və bir saat davam edəcək.

İştirakçılar imtahan proqramları, testlərin strukturu, qiymətləndirmə meyarları və tapşırıqların xüsusiyyətləri barədə ətraflı məlumat alacaqlar. Namizədlərin suallarını yazılı şəkildə ünvanlamaq və mərkəzin nümayəndələrindən ətraflı cavablar almaq imkanı olacaq.

Qiymətləndirmə və İmtahanlar Milli Mərkəzinin Müəllimlərin, Ümumi Qabiliyyətin və Magistratura İmtahanları üzrə Testlərin Hazırlanması və Qiymətləndirilməsi Departamentinin nümayəndələri – Teona Lodia, Levan Çikvinidze və Mariam Metreveli görüşü idarə edəcəklər” – Qiymətləndirmə və İmtahanlar Milli Mərkəzinin məlumatında deyilir.