Məktəbli formalarının bu qiymətə sonradan sifariş edilib alınması üçün ən aşağı qiyməti müəyyən etmək məqsədi daşıyan bazar araşdırması elan edilib – bu haqda təhsil naziri Qivi Mikanadze bildirib.

Onun sözlərinə əsasən, məktəbli formasının dizaynı üzərində çoxsaylı dizayner qrupu işləyirdi.

“Ümumi təhsil sisteminin islahatı çərçivəsində vacib qərarlardan biri ictimai məktəblərdə ibtidai pillədə şagirdlər üçün məktəbli formalarının tətbiqidir. Qeyd olunan qərar öyrənməyə yönəlmiş atmosferin yaradılmasına, eləcə də şagirdlər arasında sosial və iqtisadi fərqlərin azaldılmasına kömək edəcək.

Yenilik Gürcüstan məktəblərində dünyanın aparıcı ölkələrinin təhsil sistemlərinə xas olan məktəbli forması mədəniyyətinin və ənənəsinin yaradılması üçün ilkin şərtdir.

İctimai məktəblərin tədris maddi-texniki təminatı məqsədilə məlum olduğu kimi, nazirliyin nəzdində gələn tədris ilindən etibarən ibtidai pillə üçün məktəbli formalarının alqı-satqısını təmin edəcək yeni struktur bölmə MMC “Təhsil Resursları” artıq fəaliyyət göstərir.

Məktəbli formasının dizaynı üzərində çoxsaylı dizayner qrupunun işləməsi vacibdir. Bir neçə aylıq işdən sonra konkret dizaynlardan biri seçildi. Hazırda sonradan sifariş və alışın məhz ən aşağı qiymətə həyata keçirilməsi üçün ən aşağı qiyməti müəyyən etmək məqsədi daşıyan bazar araşdırması elan edilib ki, yayın sonuna qədər vətəndaşlarımız uşaqlar üçün forma ala bilsinlər.

Bununla yanaşı, baş nazirin qərarı ilə, Səhiyyə Nazirliyi tərəfindən sosial vəziyyəti 60 000 və ya daha az bal ilə qiymətləndirilmiş bütün ailələrin şagirdləri məktəbli formasını pulsuz alacaqlar” – Mikanadze bildirib.

Məlumat üçün bildirək ki, Təhsil Nazirliyi ibtidai pillənin şagirdləri üçün məktəbli formasının alınması ilə bağlı bazar araşdırması elan edib və məktəbli formalarının dizaynı da məlumdur.