Qitanas Nauseda – Litvada təlimlərdə iştirak edən dördüncü amerikalı hərbçinin cəsədi tapılıb, Amerika Birləşmiş Ştatlarına və onların xalqına dərin hüznlə başsağlığı veririk

Litvada həlak olmuş dördüncü amerikalı hərbçini tapıblar. Bu barədə Litva Prezidenti Qitanas Nauseda X sosial şəbəkəsində yazır.

Litvada hərbi təlimlərdə iştirak edən və dörd amerikalı hərbçinin idarə etdiyi zirehli maşını martın 26-da bataqlıqda aşkarlayıblar. Bazar ertəsi bataqlıqdan üç cəsədi çıxarıblar.

“Litvada təlimlərdə iştirak edən dördüncü amerikalı hərbçinin cəsədinin tapıldığını dərin kədər hissi ilə bəyan edirəm.
Amerika Birləşmiş Ştatlarına, müttəfiqlərimizə və onların xalqına dərin hüznlə başsağlığı veririk. Litva itkin düşən dörd hərbçi üçün dua edirdi və indi, bütün qəlbimizlə, biz onların ailələrinin yanındayıq. Bu cür çətin şəraitdə itkin düşmüş hərbçini tapmaq üçün çox böyük səy göstərən hər kəsə dərin minnətdarlığımızı bildiririk” – Nauseda yazıb.

Hərbi təlim Belarusla sərhəddə yerləşən “Pabrade” poliqonunda keçirilirdi.