Belarusda 52 siyasi məhbusu azad ediblər, onların arasında Litva vətəndaşları da var. Bu haqda Litva Prezidenti Qitanas Nauseda fövqəladə mətbuat konfransında deyib.

Litva Prezidenti xarici işlər nazirinin azad edilən şəxsləri Belarus sərhədində qəbul etməsini dəqiqləşdirib və qeyd edib ki, bu addım Belarusa qarşı tətbiq edilmiş sanksiyaların yüngülləşdirilməsi ilə bağlı danışıqlarla əlaqəli deyil.

“Sanksiyaların ləğvindən və ya yüngülləşdirilməsindən söz getmir” -Nauseda bildirib.

Medianın məlumatına əsasən, ümumilikdə 14 əcnəbi vətəndaş əfv olunub. Onlardan altısı Litva, Latviya, Polşa və Almaniyanın iki-iki vətəndaşı, biri Fransa və biri Böyük Britaniya vətəndaşıdır.

Bundan əvvəl Donald Trampın nümayəndəsi Con Koulin Minskə səfəri, eləcə də ABŞ-nin Belarusun “Belavia” aviaşirkətinə qarşı sanksiyaları ləğv etmək qərarı məlum oldu.