Gürcüstanın xarici işlər nazirinin müavini Qiorqi Zurabaşvilinin bəyanatına əsasən, İtaliya Xarici İşlər Nazirliyində Gürcüstan və İtaliya xarici işlər nazirlikləri arasında görüş çox müsbət olub.

O bildirib ki, İtaliyada keçirilən görüşlərdə İtaliya tərəfindən Gürcüstana həm Avropaya inteqrasiya, həm də təhlükəsizlik çağırışları baxımından dəstək bir daha təsdiqləndi.

“Xarici İşlər Nazirliyində və İtaliya Senatında görüşlər keçirildi. Görüşlər çox müsbət və pozitiv keçdi. O baxımdan da mühüm idi ki, İtaliya tərəfindən Gürcüstana həm Avropaya inteqrasiya, həm də ölkənin üzləşdiyi təhlükəsizlik çağırışları baxımından dəstək bir daha təsdiqləndi. Biz gələcək əməkdaşlığı müzakirə etdik. İki ölkə arasında potensial həqiqətən çox böyükdür. Bu, siyasi, eləcə də ticarət-iqtisadi və sahə əməkdaşlığına aiddir. Bu səfər zamanı münasibətləri gələcəkdə necə davam etdirməyimizlə bağlı fikir mübadiləsi aparmağımız üçün çox yaxşı imkanımız oldu. İtaliya tərəfindən Gürcüstanla ticarət-iqtisadi əlaqələrin dərinləşdirilməsi baxımından böyük maraq ifadə olundu, xüsusilə Gürcüstanın Orta Dəhliz istiqamətində malik olduğu rolu nəzərə almaqla. Eyni zamanda, Gürcüstanın investisiya mühiti də böyük maraq doğurur. Bu sahədə konkret tədbirlərin keçirilməsi ilə bağlı razılığa gəldik. İtaliya tərəfi Gürcüstanın cəlbedici investisiya mühitini məmnunluqla qeyd etdi və mövcud ticarət-iqtisadi potensialın tam şəkildə reallaşdırılması arzusunu ifadə etdi. Həmçinin iki ölkənin gündəliyini müzakirə etdik. Səfər çərçivəsində İtaliya tərəfinə Gürcüstanda vəziyyətin necə olması, ölkəmizin bu gün qarşısında hansı çağırışların durması, Assosiasiya Sazişi çərçivəsində götürülmüş öhdəlikləri necə yerinə yetirdiyimiz və uğurla həyata keçirilmiş islahatlar barədə dolğun və çox mühüm məlumat vermək imkanı əldə etdik. Həm İtaliya Xarici İşlər Nazirliyində, həm də İtaliya Senatında ölkənin hakim partiyası tərəfindən Gürcüstana tam dəstək almağımız vacibdir” – Qiorqi Zurabaşvili bildirib.