Siyasi qüvvəmiz seçkilərdə iştirak etməklə “Gürcü Arzusu”nu məğlub etmək qərarını verdi, çünki siyasi dəyişikliklər seçkilərdən keçir – bu barədə “Qaxaria Gürcüstan Naminə” partiyasının Siyasi Şurasının üzvü Qiorqi Şaraşidze bildirib.

Onun sözlərinə əsasən, dəyişiklik sülh yolu ilə həyata keçirildikdə siyasi dəyişikliklərin qiyməti olacaq.

“Mən ədalətsizliyin, zorakılığın, korrupsiyanın əleyhinə səs verdim. Eyni zamanda, dinc dəyişikliklərə, Avropa gələcəyinə, ağıllı, mötədil siyasətə və siyasətçilərə səs verdim. Korrupsiyasız Tbilisi və Gürcüstana səs verdim. Bu günə gəlincə, əsas odur ki, bu gün dinc şəkildə keçsin. Siyasi dəyişikliklər seçkilərdən, dinc dəyişikliklərdən keçdiyi üçün siyasi qüvvəmiz seçkilərdə iştirak etməklə “Gürcü Arzusu”nu məğlub etmək qərarını verdi. Əlbəttə, cəmiyyətdə ciddi və vacib siyasi dəyişikliklərə tələbat var. Lakin, bu dəyişikliklərin qiyməti yalnız dəyişikliklərin sülh yolu ilə həyata keçirilməsi halında olacaq. Buna görə də, hər kəsi seçkilərdə fəal olmağa çağırıram, çünki bu, Gürcüstan vətəndaşının konstitusiyada müəyyən edilmiş hüququ, eləcə də vəzifəsidir. Seçicilər bu ölkədə irəliləyiş, rifah və ciddi siyasi dəyişikliklər üçün öz səslərindən istifadə etməlidirlər” – Şaraşidze bildirib.