Saxtalaşdırılmış seçkilərdən sonra bir sıra konstitusiyaya zidd qərarların qəbulunu “Gürcü Arzusu” ölkənin qərb kursunun rəsmi dəyişməsi ilə taclandırdı – bu haqda “Qaxaria – Gürcüstan Naminə” partiyasının sədri Qiorqi Qaxaria sosial şəbəkədə yazıb.

O bildirib ki, milli maraqlara zidd olan ən ağır qərarın məsuliyyətindən bu xəyanətdə iştirak edən heç bir şəxs qaça bilməz.

“Saxtalaşdırılmış seçkilərdən sonra bir sıra konstitusiyaya zidd qərarların qəbulunu “Gürcü Arzusu” ölkənin qərb kursunun rəsmi dəyişməsi ilə taclandırdı, bu da qeyri-legitim baş nazir Kobaxidzenin dili ilə söylənildi. Aydındır ki, ölkənin maraqları üçün bu xəyanətkar addımın arxasında Bidzina İvanişvili dayanır, lakin hamı başa düşməlidir ki, milli maraqlara zidd olan ən ağır qərarın məsuliyyətindən bu xəyanətdə iştirak edən heç bir şəxs qaça bilməz” – Qiorqi Qaxaria yazıb.