Mandatlarımızın alınması prosedur deyildi, bu, toxunulmazlığın ləğvi və bələdiyyə seçkiləri öncəsi onlar üçün əsas siyasi təhlükənin aradan qaldırılması üçün siyasi motivli cinayət təqibinə doğru yolun təmizlənməsi olub – bu barədə “Qaxaria Gürcüstan Naminə”nin sədri Qiorqi Qaxaria X sosial şəbəkəsində yazır.

Qiorqi Qaxaria parlament tərəfindən onun və partiyasının daha on bir üzvünün deputat səlahiyyətinə xitam verilməsinə münasibət bildirir.

“Biz bunu indiyə qədər də görmüşük, Kremlin kitabından qoparılmış səhifə: toxunulmazlığı ləğv et, cinayət işləri uydur və siyasi alternativi məhv et” – Qiorqi Qaxaria yazır.

Bu gün “Qaxaria Gürcüstan Naminə” partiyasının 12 üzvünün deputatlıq səlahiyyətinə xitam verilib. Konkret olaraq, partiyanın aşağıdakı üzvlərinin deputatlıq səlahiyyətinə xitam verilib: Teona Akubardia, Ana Buçukuri, Qiorqi Qaxaria, Levan Qoqiçaişvili, Zaza Tavadze, Beka Liluaşvili, Natia Mezvrişvili, Berdia Sicinava, Kaxaber Kemoklidze, Roin Koçoraşvili, Dimitri Tskitişvili, Zviad Dzidziquri.

“Qaxaria Gürcüstan Naminə” partiyası parlament siyahısını geri çəkməyib, müvafiq olaraq onun 12 üzvü bu günə qədər Gürcüstan Parlamentinin üzvü sayılırdı. “Gürcü Arzusu”nda izah ediblər ki, onların üzrlü səbəb olmadan Gürcüstan Parlamentinin iclaslarında iştirak etməməsi Qaxarianın partiyasının üzvlərinin deputatlıq səlahiyyətlərinə vaxtından əvvəl xitam verilməsində əsas olub.