Qiorqi Kartvelişvili – Təşəbbüs qrupumuz gürcü dəyərlərini, sərvət və ənənələrini qorumaq üçün xalq hərəkatı təsis edir, hər bir vətənpərvər gürcü bizə qoşula bilər

Təşəbbüs qrupumuz gürcü dəyərlərini, sərvət və ənənələrini qorumaq üçün xalq hərəkatı təsis edir və xaricdən maliyyələşən kənar maraqlara, kölə itaətində olan, pozğun ideologiyaya sahib insanlar və onlardan ibarət qruplara qarşı mübarizəyə başlayır — bu barədə MMA döyüşçüsü Qiorqi Kartvelişvili bildirib.

O, hər bir vətənpərvər gürcünün onlara qoşula biləcəyini deyib.

“Gürcü xalqı üçün qürur mənbəyi olan əcdadların, mədəniyyətin və kimliyin təhqir edilməsi, sonra isə bu məsələlərin fəal şəkildə müzakirə olunması və bütün bunların əhalimiz üçün normaya çevrilməsi cəhdi yalnız ətrafında gürcü millətinin birləşdiyi milli dəyərlərin dəyərsizləşdirilməsi məqsədini daşıyır. Məhz buna görə də bugündən etibarən təşəbbüs qrupumuz gürcü dəyərlərini, sərvət və ənənələrini qorumaq üçün xalq hərəkatı təsis edir və xaricdən maliyyələşən kənar maraqlara, kölə itaətində olan, pozğun ideologiyaya sahib insanlar və onlardan ibarət qruplara qarşı mübarizəyə başlayır. Bu prosesdə hər bir vətənpərvər gürcü bizə qoşula bilər. Hərəkatımız çox fəal, sanballı və eyni zamanda maksimum dərəcədə konstruktiv olacaq, lakin mədəniyyətimizin və milli kimliyimizin qorunması üçün zəruri olarsa, heç bir təhlükədən çəkinməyəcəyik. Hər bir addımımıza görə cavab verməyə, ehtiyac olarsa, hətta həbsxanaya getməyə belə hazırıq” — Qiorqi Kartvelişvili bildirib.