Məhkəmə Qiqa Avalianinin işi üzrə saxlanılan Demetre Çikovaniyə 9 il 9 ay, Ani Nasğidaşviliyə isə 5 il 3 ay həbs cəzası verib.

Qərarı hakim Demetre Cincolia elan edib.

Hakimin qərarı ilə Demetre Çikovani 13 il müddətinə azadlıqdan məhrum edilib, lakin Yetkinlik Yaşına Çatmayanların Ədalət Mühakiməsi Məcəlləsinə əsasən, onun cəzası dörddə bir azaldılıb və yekun cəza müddəti doqquz il doqquz ay olaraq müəyyən edilib.

Məhkəmə Ani Nasğidaşviliyə yeddi il həbs cəzası verib, lakin Yetkinlik Yaşına Çatmayanların Ədalət Mühakiməsi Məcəlləsinə əsasən, onun da cəzası dörddə bir azaldılıb və yekun olaraq beş il üç ay müəyyən edilib.

Məhkəmə Demetre Çikovanini Gürcüstan Cinayət Məcəlləsinin 18, 117-ci maddəsinin 3-cü hissəsinin “l” yarımbəndi ilə təqsirli bilib, bu da qrup halında qəsdən sağlamlığa ağır zərər vurmağa hazırlıq deməkdir. Bu maddə cəza növü olaraq 13 ilə qədər azadlıqdan məhrumetməni nəzərdə tutur.

Ani Nasğidaşvili Cinayət Məcəlləsinin 376-cı maddəsinin 2-ci hissəsi ilə təqsirli bilinib, bu da xüsusilə ağır cinayət barədə xəbər verməmə deməkdir. Bu əməl cəza növü olaraq yeddi ilə qədər azadlıqdan məhrumetməni nəzərdə tutur.