Bir tərəfdən, ATƏT/DTİHB-nin rəyi müsbətdir və nəzərə almalı olduğumuz hissələr var, lakin bizim artıq razılaşdığımız məsələlər var – ATƏT/DTİHB ilə Gürcüstanın müvafiq strukturları arasında intensiv müzakirə olacaq – bu haqda Gürcüstan parlamentinin birinci vitse-spikeri Qia Volski bildirib.

“Bizim razılaşa biləcəyimiz və razılaşa bilməyəcəyimiz məsələlər var. Lakin, nəticələri ATƏT/DTİHB-nin artıq Xarici İşlər Nazirliyinə müraciət etdiyi məsləhətləşmələr göstərəcək. Biz nə ilə razılaşmaya bilərik? Razılaşa bilmərik ki, MSK-nın qəbul etdiyi qərar 2/3-nin mövqeyindən asılı olsun. Bu halda elə bir vəziyyət yaranacaq ki, əgər siyasi asılılığı olan müxalifət bununla razılaşmasa və yenidən onlar üçün adi bir xüsusiyyət olan sabotaj rejimində olsa ümumiyyətlə ola bilsin nə qərar, nə də MSK-nın tərkibini qəbul edə biləsən. Etimada gəlincə, təbii ki, inam çatışmazlığı var, lakin bir çox hallarda bu çatışmazlıq real vəziyyətdən deyil, hansısa siyasi maraqdan qaynaqlanır. Real vəziyyət tamamilə fərqlidir, Gürcüstan Avropa ölkəsidir, əhalinin böyük hissəsi Avropaya inteqrasiyanı dəstəkləyir” – Qia Volski bildirib.

Bu gün Avropa İttifaqının Gürcüstandakı Nümayəndəliyi Genişlənmə Məsələləri üzrə Avropa komissarı Marta Kosun bəyanatının tərcüməsini yayıb. Kos bildirir ki, “Gürcüstan hakimiyyəti etimadı, tanınmağı geri qaytarmaq və avropalı gələcəyi təmin etmək üçün prioritet tövsiyələri təcili olaraq həyata keçirməlidir”.