Qəzza sektorunda bu gün sübh saatlarında həyata keçirilmiş İsrailin hərbi əməliyyatı nəticəsində azı 14 nəfər həyatını itirib, bir neçə onlarla insan isə yaralanıb.

Fələstin mediasının məlumatına görə, Qəzza şəhəri yaxınlığında yaşayış binasının bombalanması nəticəsində 2 nəfər ölüb. Nüsəyrat düşərgəsi yaxınlığında həyata keçirilmiş hava zərbələri nəticəsində isə 8 nəfər həlak olub, 11 nəfər yaralanıb.

Bundan əlavə, Fələstin mənbələri bildirir ki, Xan Yunis şəhərinin Mina rayonunda, məcburi köçkünlərin yerləşdiyi çadır düşərgəsinə endirilən hava zərbəsi nəticəsində 4 nəfər həyatını itirib.

Yerli xəbər agentliklərinin məlumatına əsasən, ötən gecə İsrail qüvvələrinin həyata keçirdiyi bombardman nəticəsində 30 nəfər ölüb.