Qərbi Gürcüstanda mövcud əlverişsiz hava şəraitinə görə, dekabrın 30-u və 31-də Tbilisi-Batumi-Tbilisi istiqamətində hərəkət edən qatarların cədvəlində dəyişikliklər edilib

11:27, 30.12.2025

Dekabrın 30-u və 31-də Tbilisi-Batumi-Tbilisi istiqamətində hərəkət edən qatarların cədvəlində dəyişikliklər edilib. Bu haqda məlumatı Gürcüstan Dəmir Yolları yayır.

Onların məlumatına əsasən, cədvəl Qərbi Gürcüstanda əlverişsiz hava şəraitinə görə dəyişdirilib.

“Qərbi Gürcüstanda mövcud əlverişsiz hava şəraitinə görə, dekabrın 30-da qatarların hərəkət cədvəlində dəyişikliklər edilib. Xüsusilə, Tbilisi-Batumi istiqamətində hərəkət edən qatar (#812) Tbilisidən saat 01:40 əvəzinə saat 03:00-da yola düşəcək, dekabrın 31-də səhər isə Batumi-Tbilisi istiqamətində hərəkət edən qatar (#803) saat 08:00 əvəzinə saat 10:00-da yola düşəcək” – Gürcüstan Dəmir Yolları yazır.

Müəllif - Sevinj Mustafaeva

İctimaiyyət