“Qazprom” Avropaya qaz nəqlini tamamilə dayandırdı, buna səbəb turbinin nasazlığı göstərilir

“Qazprom” rus şirkəti Avropaya qaz nəqlini tamamilə dayandırdı, buna səbəb turbinin nasazlığı göstərilir. Şirkətin Rusiya mətbuatında dərc olunan bəyanatında deyilir ki, təmir işləri zamanı kompressor stansiyasında qaz generator qurğusunda yağ sızması aşkar edildi.

“Ekoloji, Texniki və Nüvə Nəzarəti üzrə Federal Xidmətindən aşkar edilmiş zərərin qaz turbinli mühərrikin təhlükəsiz istismarına imkan vermədiyi barədə xəbərdarlıq alındı. Müvafiq tədbirlər görmək və “trent60″ qaz kompressorunun işini dayandırmaq lazımdır”, – “Qazprom” tərəfindən yayılan bəyanatda deyilir.

Şirkətdə bəyan edirlər ki, “Qazprom” artıq “Siemens Energy AG”-nin baş direktoru, Kristian Bruka aşkar edilmiş qüsurların aradan qaldırılmasının zəruriliyi barədə məktub göndərib.

“Qazprom” rus şirkəti Avropaya qazın nəqlini “Şimal axını 1” boru kəmərində aparılan təmir işləri ilə əlaqədar avqustun 31-də dayandırdı. Təmir işləri üç gün davam etməli idi.