“Qaxaria Gürcüstan Naminə”nin məlumatına əsasən, partiyanın lideri Qiorqi Qaxaria və onun komanda yoldaşı Elquca Xokrişvilini Münhen Konfransından Tbilisiyə qayıdarkən “hava limanında əvvəlcədən təşkil olunmuş “zonder qrupla” qarşılayıblar.

Partiyanın mətbuat xidmətindən açıqladıqları kimi, Qaxaria və Xokrişvilinin ünvanına təhqiramiz ifadələr eşidilib.

“Bu gün səhər tezdən İvanişvili Münhen Təhlükəsizlik Konfransından Gürcüstana qayıdarkən “Qaxaria Gürcüstan Naminə”nin sədri Qiorqi Qaxaria və komanda yoldaşımız, Almaniyadakı sabiq səfir Elquca Xokrişvilini Tbilisinin Beynəlxalq Hava Limanında əvvəlcədən təşkil olunmuş, əvvəlcədən hazırlanmış “zonder qrupla” qarşılayıb, ərazidə olan, eləcə də əvvəlcədən xəbərdarlıq edilmiş polisin mütləq hərəkətsizliyi buna kömək edib.

İsteriyada olan zorba dırnaqarası hakimiyyət nəzarətdən çıxır.

İvanişvilinin Münhen Təhlükəsizlik Konfransının nəticələrindən qorxması başa düşüləndir və bu isteriya da bundan qaynaqlanır.

Siyasi qüvvəmiz hər şeyi edəcək ki, bir daha gürcü xalqına qarşı zorakılıq törədə bilməməsi üçün İvanişvili onun üçün ən dəyərli olanı – pul və hakimiyyəti itirsin” – partiya tərəfindən yayılmış məlumatda qeyd olunub.