Litvanın sabiq xarici işlər naziri Qabrielyus Landsbergis bildirib ki, istəyir, ölkəsi Ukraynadan təhlükəsizlik zəmanətləri əldə etsin. Landsbergis Ukraynanın müdafiə qabiliyyətinə heyranlığını ifadə edib və deyib ki, Ukrayna cəbhəni demək olar ki, müstəqil şəkildə saxlayır.

“O son günlərdə rus strateji bombardmançılarına edilən hücum bunun əla nümunəsidir. Qərb kəşfiyyatının və hər hansı bir dəstəyin olmamasına baxmayaraq, Rusiya hava donanmasının üçdə biri, onun nüvə potensialı məhv edilib. Bu inanılmazdır. Onilliklər ərzində Qərbin heç bir ilkin razılaşması və səyi belə effekt verməyib. Bəzilərinin dediyini eşidəndə ki, ‘Ukrayna NATO-ya üzv ola bilməz, çünki biz onlara təhlükəsizlik zəmanətləri verməyə hazır deyilik’, mən düşünürəm: ‘Mən istəyirəm ki, mənim ölkəm Ukraynadan təhlükəsizlik zəmanətləri alsın’,” – deyə Landsbergis bildirib.