Gürcüstan Prokurorluğu Telavi bölgəsində iki nəfəri qəsdən öldürmək və qanunsuz olaraq odlu silah gəzdirmək ittihamı ilə bir nəfərə qarşı ittiham irəli sürüb.

Daxili İşlər Nazirliyi tərəfindən aparılan istintaq tədbirləri ilə müəyyən edilib ki, iyulun 24-də Telavi bələdiyyəsinin Ləliskür kəndində təqsirləndirilən şəxs odlu silahdan açılmış atəşlə iki nəfərə çoxsaylı xəsarətlər yetirərək hadisə yerindən gizlənib. Aldıqları xəsarətlər nəticəsində zərərçəkənlərdən biri yerində, digəri isə xəstəxanada ölüb.

İstintaq onu da müəyyən edib ki, iyulun 24-də təqsirləndirilən şəxs Telavi rayonunun Lafankuri kəndində qanunsuz olaraq saxlama hüququ ilə qeydiyyatda olan iki odlu silah-sursat aparıb.

Ona qarşı qiyabi olaraq Gürcüstan Cinayət Məcəlləsinin on altı ildən iyirmi ilədək və ya ömürlük həbs cəzasını nəzərdə tutan 109-cu maddəsinin “l” yarımbəndi (ağırlaşdırıcı şəraitdə qəsdən adam öldürmə) və 236-cı maddəsinin dördüncü hissəsi (qanunsuz olaraq odlu silah saxlama) ilə ittiham edilib.

Prokurorluğun vəsatəti əsasında Telavi rayon məhkəməsi təqsirləndirilən şəxsin barəsində həbs-qətimkan tədbiri seçilib və barəsində axtarış elan edilib.