Strasburq məhkəməsinin qərarını və tövsiyələrini nəzərə alaraq, effektiv istintaqın aparılmasını təmin etmək məqsədilə, zərərçəkmişlərin iştirakı ilə Rustaveli prospektində istintaq hərəkətləri aparılır, bu isə istintaqa 2019-cu ilin 20-21 iyun işi ilə bağlı cinayətin mənzərəsini tam bərpa etməyə və mümkün cinayəti törətmiş şəxslərin kimliyinin müəyyən edilməsinə imkan verəcək – Gürcüstan Prokurorluğunun bəyanatında bu haqda qeyd olunub.

Onların məlumatına əsasən, qeyd olunan cinayət işi üzrə Konvensiyanın 3-cü maddəsinin prosedur hissəsində pozuntusu təsbit olunub və dövlətə müəyyən istintaq hərəkətlərinin aparılması tapşırılıb.

“Avropa İnsan Hüquqları Məhkəməsi 2019-cu ilin iyunun 20-21-də Tbilisidə ictimai asayişin qorunması və bərpası zamanı Daxili İşlər Nazirliyi tərəfindən səlahiyyətdən zorakılıq və silah tətbiq etməklə sui-istifadə edilməsi faktlarına dair Tbilisi Prokurorluğunun İstintaq İdarəsinin icraatında olan cinayət işi üzrə qərar qəbul edib.

Qeyd olunan cinayət işi üzrə Konvensiyanın 3-cü maddəsinin prosedur hissəsində pozuntusu təsbit olunub və dövlətə müəyyən istintaq hərəkətlərinin aparılması tapşırılıb, o cümlədən Daxili İşlər Nazirliyi tərəfindən tədbirin düzgün planlaşdırılması və gücdən sui-istifadə edilməsinin müəyyən edilməsi məqsədilə zərərçəkmişlərin iştirakı ilə istintaq hərəkətlərinin aparılması.

Strasburq məhkəməsinin qərarını və tövsiyələrini nəzərə alaraq, effektiv istintaqın aparılmasını təmin etmək məqsədilə, zərərçəkmişlərin iştirakı ilə hazırda Rustaveli prospektində istintaq hərəkətləri aparılır, bu isə istintaqa cinayətin mənzərəsini tam bərpa etməyə və mümkün cinayəti törətmiş şəxslərin kimliyinin müəyyən edilməsinə imkan verəcək” – Gürcüstan Prokurorluğunun bəyanatında qeyd olunub.