Prokurorluq Onise Okriaşviliyə qarşı zorakılıq ittihamı ilə saxlanılan şəxs üçün qətimkan tədbiri kimi girov tələb edir

Gürcüstan Prokurorluğu Onise Okriaşviliyə qarşı törədilmiş zorakılıq faktı üzrə saxlanılan şəxsə qarşı ittiham irəli sürüb.

Məlumatı Gürcüstan Prokurorluğu yayır.

Onların məlumatına əsasən, Daxili İşlər Nazirliyi tərəfindən aparılan istintaqla müəyyən edilib ki, 2026-cı ilin iyulun 22-də gecə saatlarında Tbilisdə gürcü yazıçı Nodar Dumbadzenin təhqir olunmasına görə təqsirləndirilən şəxs Onise Okriaşviliyə qarşı fiziki təhqirə yol verib, onun baş və bədəninin müxtəlif nahiyələrinə bir neçə zərbə endirib, nəticədə zərərçəkən fiziki ağrı hiss edib.

Hüquq-mühafizə orqanlarının əməkdaşları təqsirləndirilən şəxsi hadisədən bir neçə saat sonra saxlayıblar. Prokurorluğun məlumatına əsasən, ona qarşı Gürcüstan Cinayət Məcəlləsinin 126-cı maddəsinin 1-ci hissəsi (zorakılıq) ilə ittiham irəli sürülüb.

“Prokurorluq təqsirləndirilən şəxs barəsində qətimkan tədbiri kimi həbs qətimkan tədbiri təminatı ilə 5 000 lari məbləğində girov seçilməsi barədə vəsatətlə qanunla müəyyən edilmiş müddətdə məhkəməyə müraciət edəcək” – Gürcüstan Prokurorluğunun məlumatında deyilir.