Prokurorluq Qoridə polislər tərəfindən vəzifə səlahiyyətlərinin ehtimal olunan aşılması faktı ilə bağlı istintaqa başlayıb. Bu barədə Gürcüstan Prokurorluğunun bəyanatında qeyd olunub.

Prokurorluğun məlumatına əsasən, bu mərhələdə təxirəsalınmaz istintaq və prosessual hərəkətlər həyata keçirilir.

“Gürcüstan Prokurorluğu Qoridə baş vermiş, polislər tərəfindən zorakılıq tətbiq edilməklə vəzifə səlahiyyətlərinin ehtimal olunan aşılması faktı ilə bağlı Cinayət Məcəlləsinin 333-cü maddəsinin 3-cü hissəsinin “b” yarımbəndi ilə istintaqa başlayıb. Bu mərhələdə təxirəsalınmaz istintaq və prosessual hərəkətlər həyata keçirilir. İstintaqın nəticələri barədə ən qısa zamanda ictimaiyyətə məlumat verəcəyik” — Gürcüstan Prokurorluğunun bəyanatında deyilir.

Qoridə Kombinat adı ilə bilinən yaşayış məntəqəsində Şida Kartlinin polis əməkdaşlarının saxlanılma zamanı iki nəfərə qarşı fiziki güc tətbiq etdiklərinə dair video-görüntülər bu gün yayılıb. Həmçinin saxlanılan şəxslərdən birinin üzərində soyuq silah olduğu barədə məlumatlar yayılıb.