2019-cu ilin 20-21 iyun işi ilə bağlı Rustaveli prospektində bütün tədbirlər həyata keçiriləcək, bu isə Strasburq məhkəməsinin tövsiyələrinin yerinə yetirilməsinə xidmət edir – bu barədə prokuror Mariam Berdzenişvili qurum tərəfindən yayılmış bəyanatla bağlı deyib.

Prokuror deyib ki, əgər konkret şəxsin məsuliyyəti məsələsi üzə çıxarsa, müvafiq qərar qəbul ediləcək.

“Avropa İnsan Hüquqları Məhkəməsi 2019-cu ilin iyunun 20-21-də Tbilisidə ictimai asayişin qorunması və bərpası zamanı Daxili İşlər Nazirliyi tərəfindən səlahiyyətdən zorakılıq və silah tətbiq etməklə sui-istifadə edilməsi faktlarına dair Tbilisi Prokurorluğunun İstintaq İdarəsinin icraatında olan cinayət işi üzrə qərar qəbul edib. Məhkəmə 3-cü maddənin yalnız prosedur hissəsində pozuntusunu təsbit edib və bu qərarla, dövlətə müəyyən istintaq hərəkətlərini, o cümlədən zərərçəkmiş şəxslərin iştirakı ilə aparmaq tapşırılıb.

Mənzərənin tam şəkildə bərpası üçün zərərçəkmiş şəxsin iştirakı ilə parlamentin ətrafındakı ərazidə istintaq eksperimenti aparılır. Zərərçəkmiş müəyyən təfərrüatları, hadisələrin necə inkişaf etdiyini göstərməlidir. Bu məqsədlə ekspert-kriminalistlər əraziyə dəvət olunublar. Bu və ya digər iş, o cümlədən bu cinayət işi ilə bağlı, nə vaxt başa çata biləcəyi ilə bağlı konkret müddət demək imkansızdır. Aydın şəkildə deyə bilərəm ki, iş üzrə Strasburq məhkəməsinin tövsiyələrinin yerinə yetirilməsinə xidmət edən bütün istintaq və prosesual tədbirlər həyata keçiriləcək, həmçinin, tam mənzərənin bərpası üçün lazım olan digər istintaq hərəkətləri də aparılacaq. Əgər konkret şəxsin məsuliyyəti məsələsi üzə çıxarsa və sübut standartı olarsa, əlbəttə, qanuna uyğun qərar qəbul ediləcək” – prokuror qeyd edib.

Bununla yanaşı, Berdzenişvili bildirib ki, bu mərhələdə konkret şəxsin təqsiri barədə danışa bilməz.

“Aktiv şəkildə istintaq hərəkətləri aparılır və istintaqın maraqlarından da irəli gələrək, daha çox detala daxil ola bilmərəm. Sizə təsdiq edə bilərəm ki, istintaqın irəliləməsi üçün lazım olan bütün tədbirlər həyata keçirilir. Əgər konkret şəxsin məsuliyyəti üzə çıxarsa, müvafiq qərar qəbul ediləcək və prokurorluq bunun üçün hər şeyi edəcək” — Mariam Berdzenişvili bildirib.

Məlumat üçün bildirək ki, Strasburq məhkəməsinin qərarını nəzərə alaraq, 2019-cu ilin 20-21 iyun işi ilə bağlı, Rustaveli prospektində istintaq hərəkətləri aparılır.