Polşanın Təhlükəsizlik Xidməti Milad bazarına kütləvi hücum hazırlamaqda şübhəli bilinən tələbəni saxlayıb.

Bu barədə X sosial şəbəkəsində Polşanın xüsusi xidmətlər nazirinin mətbuat katibi Yaçek Dobrjinski yazıb.

Onun məlumatına əsasən, Lüblin Katolik Universitetinin tələbəsi Mateuş V. saxlanılıb.

İstintaqın məlumatına əsasən, tələbə partlayıcı qurğudan istifadə edərək hücum həyata keçirmək istəyib, eləcə də terror təşkilatına qoşulmağı planlaşdırıb.

“Cinayətin məqsədi insanları qorxutmaq və “İslam Dövləti”ni dəstəkləmək olub” – bəyanatda qeyd olunub.

Polşanın xüsusi xidmət orqanlarının məlumatına əsasən, şübhəli terror təşkilatı ilə əlaqə qurmaq üçün addımlar atıb, o cümlədən hücuma dəstək almaq məqsədilə.

Saxlanılan şəxsə üç aylıq ilkin həbs cəzası verilib.