Polşada silah zavodunda güclü partlayış olub

Polşada Mesko silah zavodunda güclü partlayış olub.

Polşa mətbuatının məlumatına görə, partlayış nəticəsində 59 yaşlı kişi ölüb.

“Partlayış bir neçə il əvvəl istifadəyə verilmiş raket yanacağı mərkəzində baş verib”, – zavodun meneceri Elzbieta Sreniavska bildirib.

Partlayış zamanı mərkəzdə 3 nəfər olub. Bir nəfər çölə çıxa bilib, bir yaralı isə xəstəxanaya çatdırılıb. Hadisə ilə bağlı araşdırma aparılır, partlayışın səbəbi hələlik məlum deyil.