“Politico” – Rumıniyada siyasi böhran dərinləşir, çünki parlament yeni hökuməti təsdiqləyə bilməyib

Rumıniyada siyasi böhran dərinləşir, çünki parlament yeni hökuməti təsdiqləyə bilməyib. Sağ-mərkəzçi siyasətçi Adrian Vestea ölkənin baş naziri postunu tutmaq üçün lazım olan 233 səsi toplaya bilməyib. Bu barədə məlumatı “Politico” yayır.

Siyasətçinin təklif etdiyi kabineti yalnız 189 qanunverici dəstəkləyib. Vestea, baş nazir İlie Boloyan ötən ilin may ayında etibarsızlıq səsverməsi nəticəsində vəzifəsindən istefaya göndərildikdən sonra, prezident Nikuşor Dan tərəfindən hökuməti formalaşdırmaq üçün təyin edilən ikinci siyasətçidir.

Bir neçə həftə əvvəl daha bir namizəd, Evqen Tomak da analoji olaraq ölkə parlamentinin əksəriyyətinin dəstəyini qazana bilməyib. İndi ölkə prezidenti hökuməti formalaşdırmaq üçün üçüncü namizəd olaraq kimi təqdim edəcəyinə qərar verməlidir.

Bu gün Nikuşor Dan yeni namizədi müzakirə etmək üçün Rumıniyanın bütün partiyalarının nümayəndələri ilə görüşür. Əgər Rumıniya Prezidenti növbəti 60 gün ərzində yeni baş nazir namizədini müəyyən etməsə, ölkədə növbədənkənar seçkilər təyin oluna bilər.

Qərb mediasının məlumatına əsasən, avroskeptik “Rumınların Birliyi Alyansı” ölkənin ən populyar partiyası hesab edildiyi üçün, prezidentin yeni seçkilərdən qaçmaq üçün əlindən gələni edəcəyi gözlənilir, çünki o, Rumıniyanın qərbyönümlü kursunun qorunub saxlanmasının tərəfdarıdır.