Polis Tbilisidə narkotik vasitələrin qanunsuz əldə edilməsi, saxlanılması və satışına kömək göstərilməsi faktları ilə əlaqədar müxtəlif vaxtlarda beş nəfəri saxlayıb.

Saxlanılanlar arasında Gürcüstan, eləcə də xarici ölkənin vətəndaşları var.

Hüquq-mühafizə orqanlarının əməkdaşları narkotik cinayəti ittihamı ilə saxlanılan şəxslərin üzərində və yaşayış evlərində axtarış zamanı, eləcə də onlar tərəfindən göstərilən yerlərdən müxtəlif növ narkotik vasitəni, o cümlədən “metadon” və “quru marixuana”nı sübut olaraq müsadirə ediblər.

Həmçinin, polis tərəfindən narkotik vasitənin qablaşdırılması üçün zəruri materiallar müsadirə edilib.

İstintaq Gürcüstan Cinayət Məcəlləsinin 260 və 260-cı kvarta maddələri ilə aparılır, bu isə 20 ilə qədər və ya ömürlük azadlıqdan məhrum etməni nəzərdə tutur.