Polis Tbilisidə xüsusilə külli miqdarda narkotik vasitələri ələ keçirib, dörd nəfər saxlanılıb

Daxili İşlər Nazirliyinin Patrul Polisi Departamentinin Tbilisi Baş İdarəsinin əməkdaşları külli və xüsusilə külli miqdarda narkotik vasitələrin qanunsuz əldə edilməsi-saxlanması və satışına kömək etmək ittihamı ilə dörd nəfəri müxtəlif vaxtlarda saxlayıblar.

Saxlanılanlar arasında həm Gürcüstan, həm də xarici ölkə vətəndaşları var.

Hüquq-mühafizə orqanlarının əməkdaşları saxlanılan şəxslərin üzərində və mənzillərində axtarış zamanı satışa hazırlanmış, xüsusilə külli miqdarda narkotik vasitələri, o cümlədən “klefedron”, “MDMA”, “mefedron” və “quru marixuana”nı dəlil olaraq götürüblər.

Polis tərəfindən həmçinin narkotiklərin qablaşdırılması üçün lazım olan materiallar götürülüb.

İstintaq Cinayət Məcəlləsinin 260 və 260-cı kvarta maddələri ilə aparılır, bu da 20 ilə qədər və ya ömürlük azadlıqdan məhrum etməni nəzərdə tutur.