Polis Tbilisidə qrup halında, zorakılıqla törədilmiş soyğunçuluq ittihamı ilə iki nəfəri saxlayıb

Daxili İşlər Nazirliyinin Tbilisi Polis Departamentinin Dzveli Tbilisi Baş İdarəsinin əməkdaşları əvvəlcədən əlbir olan bir qrup şəxs tərəfindən zorakılıqla törədilmiş soyğunçuluq ittihamı ilə iki nəfəri saxlayıblar, onlar arasında bir nəfər yetkinlik yaşına çatmayandır. Məlumatı Daxili İşlər Nazirliyi yayır.

Qurumun məlumatına əsasən, istintaqla təqsirləndirilən şəxslərin Tbilisidə iki vətəndaşa qarşı fiziki təhqirə yol verdikləri, onların bahalı mobil telefonlarını qəsb edərək hadisə yerindən qaçdıqları müəyyən edilib.

“Keçirilmiş əməliyyat tədbirləri və istintaq hərəkətləri nəticəsində hüquq-mühafizə orqanlarının əməkdaşları cinayəti törədən şəxsləri təqsirləndirilən şəxs qismində saxlayıblar.

İstintaq Cinayət Məcəlləsinin 178-ci maddəsi ilə aparılır, bu da 8 ilədək müddətə azadlıqdan məhrumetməni nəzərdə tutur” – Daxili İşlər Nazirliyinin məlumatında qeyd olunub.