Polis Tbilisidə bıçaqlanma faktini açıb, bir nəfər saxlanılıb

Daxili İşlər Nazirliyinin Tbilisi Polis Departamentinin Köhnə Tbilisi şöbəsinin əməkdaşları sağlamlığa qəsdən az ağır xəsarət yetirmə ittihamı ilə 2004-cü il təvəllüdlü Q.C.-ni saxlayıblar.

İstintaqla müəyyən edilib ki, təqsirləndirilən şəxs Tbilisidə şəxsi mübahisə zəminində soyuq silahdan istifadə edərək 1981-ci il təvəllüdlü Z.S.-yə çoxsaylı kəsici xəsarətlər yetirib və hadisə yerindən qaçıb.

Yaralı kişi müvafiq tibbi yardım göstərilməsi üçün klinikaya yerləşdirilib.

Polis əməkdaşları həyata keçirilən operativ tədbirlər və istintaq hərəkətləri nəticəsində Q.C.-ni cinayəti törətdikdən qısa müddət sonra təqsirləndirilən şəxs qismində saxlayıblar.

İstintaq Cinayət Məcəlləsinin 118-ci maddəsinin 1-ci hissəsi ilə aparılır ki, bu da 4 ilədək azadlıqdan məhrumetmə cəzasını nəzərdə tutur.