Daxili İşlər Nazirliyinin Mərkəzi Kriminal Polisi, Tbilisi Polis Departamenti, Raça–Leçxumi və Aşağı Svaneti, eləcə də Şida Kartli polis departamentlərinin əməkdaşları qanunsuz odlu silahlar aşkar ediblər – altı nəfər saxlanılıb. Bu barədə məlumatı DİN yayıb.

“Odlu silah və döyüş sursatının qanunsuz əldə edilməsi, saxlanılması, daşınması və ələ keçirilməsi ittihamı ilə saxlanılanlar bunlardır: 1994-cü il təvəllüdlü G.Ç., 2005-ci il təvəllüdlü G.M., həmçinin əvvəllər məhkum olunmuş şəxslər – 1989-cu il təvəllüdlü B.C., 1982-ci il təvəllüdlü G.M., 1997-ci il təvəllüdlü O.D. və 1984-cü il təvəllüdlü G.G.

Hüquq-mühafizə orqanları əməkdaşları şübhəlilərin üzərində, avtomobillərində, yaşayış evlərində və yardımçı tikililərdə aparılan axtarışlar nəticəsində maddi sübut kimi müxtəlif növ odlu silahlar və döyüş sursatı, o cümlədən tapançalar, daraqlar və patronlar müsadirə ediblər.

İstintaq Cinayət Məcəlləsinin 236-cı və 237-ci maddələri ilə aparılır ki, bu da səkkiz ilədək azadlıqdan məhrumetmə cəzasını nəzərdə tutur”, – DİN-in məlumatında qeyd olunur.