Polis Mtskheta-Mtianetidə sağlamlığa qəsdən yüngül zərər vurma, zorakılıq və hədələmə ittihamı ilə 1998-ci il təvəllüdlü G.N. və 1999-cu il təvəllüdlü, əvvəllər məhkum olunmuş M.N.-i həbs edib.

İstintaq zamanı müəyyən edilib ki, təqsirləndirilənlər keçmişdəki konflikt əsasında 2004-cü il təvəllüdlü M.Z.-yə fiziki zor tətbiq edərək onu soyuq silahla yaralayıblar və hadisə yerindən qaçıblar.

Yaralı tibbi yardım göstərilməsi üçün xəstəxanaya çatdırılıb.

Hüquq-mühafizə orqanları aparılmış əməliyyat və istintaq tədbirləri nəticəsində G.N. və M.N.-i təqsirləndirilən şəxs kimi həbs edib, cinayətin törədilməsində istifadə olunan silah – bıçaq isə maddi sübut kimi götürülüb.

İstintaq Gürcüstan Cinayət Məcəlləsinin 120-ci, 126-cı və 151-ci maddələri üzrə aparılır, bu isə 2 ilə qədər azadlıqdan məhrum etməni nəzərdə tutur.