Polis mənzilə qanunsuz daxil olmaqla oğurluq və quldurluq törətməkdə təqsirləndirilən iki nəfəri saxlayıb

Daxili İşlər Nazirliyinin Tbilisi Polis Departamentinin Vake-Saburtalo Baş İdarəsinin əməkdaşları tərəfindən keçirilən polis əməliyyatı nəticəsində mənzilə qanunsuz daxil olmaqla oğurluq və quldurluq törətməkdə təqsirləndirilən iki nəfər saxlanılıb.

İstintaqla müəyyən edilib ki, təqsirləndirilən şəxslərdən biri gecə saatlarında Tbilisidə yerləşən mənzilə qanunsuz daxil olub. Həmin vaxt mənzildə ev sahibləri də olub. O, ümumi dəyəri 33 min 400 lari olan zinət əşyalarını götürərək hadisə yerindən uzaqlaşıb. Mənzildə olan şəxslər onu gördükdən sonra təqsirləndirilən şəxs hadisə yerindən qaçıb.

Digər saxlanılan şəxs isə paytaxtda yerləşən yaşayış mənzilindən məişət əşyaları oğurlayıb.

Hüquq-mühafizə orqanlarının keçirdiyi əməliyyat-axtarış tədbirləri və istintaq hərəkətləri nəticəsində oğurlanmış əşyaların bir hissəsi maddi sübut kimi götürülüb.

Faktla bağlı Cinayət Məcəlləsinin 177-ci və 178-ci maddələri ilə araşdırma aparılır. Həmin maddələr 11 ilədək müddətə azadlıqdan məhrumetmə cəzasını nəzərdə tutur.