Polis xüsusilə külli miqdarda psixotrop maddələrin ələ keçirilməsi faktı üzrə iki xarici ölkə vətəndaşını saxlayıb

Daxili İşlər Nazirliyinin Acara Polis Departamentinin Batumi Şəhər İdarəsinin əməkdaşları xüsusilə külli miqdarda psixotrop maddələrin qanunsuz olaraq, qrup halında əldə edilməsi və saxlanılması ittihamı ilə Türkiyə Respublikasının vətəndaşları: 1998-ci il təvəllüdlü A.Ç.-ni və 1988-ci il təvəllüdlü E.S.-ni saxlayıblar. Bu haqda məlumatı Daxili İşlər Nazirliyi yayır.

Qurumun məlumatına əsasən, cinayət 12 ilə qədər azadlıqdan məhrum etməni nəzərdə tutur.

“Hüquq-mühafizə orqanlarının əməkdaşları təqsirləndirilən şəxsləri Tbilisi-Senaki-Leselidze magistralında avtomobillə hərəkət edərkən dayandırıblar. Polis onların üzərində və avtomobildə axtarış nəticəsində sübut kimi xüsusilə külli miqdarda psixotrop maddəni “Pregabalin” kapsullarını ələ keçirib. İstintaq Cinayət Məcəlləsinin 261-ci maddəsi ilə aparılır” – Daxili İşlər Nazirliyinin yaydığı məlumatda deyilir.