Polis xüsusilə külli miqdarda narkotik vasitə aşkar edib, bir nəfər saxlanılıb

Daxili İşlər Nazirliyinin Kvemo Kartli Polis Departamentinin Marneuli rayon idarəsinin əməkdaşları xüsusilə külli miqdarda narkotik vasitənin qanunsuz əldə edilməsi və saxlanılması ittihamı ilə Rusiya Federasiyası vətəndaşı, 1963-cü il təvəllüdlü V.İ.-ni saxlayıblar. Bu barədə məlumatı DİN yayıb.

Qurumun məlumatına görə, istintaq Cinayət Məcəlləsinin 260-cı maddəsinin 3-cü hissəsi ilə aparılır ki, bu da 20 ilədək və ya ömürlük azadlıqdan məhrumetməni nəzərdə tutur.

DİN-də bildiriblər ki, polis təqsirləndirilən şəxsin müvəqqəti yaşayış evində və yardımçı tikililərdə aparılan axtarış nəticəsində “buprenorfin” və “qurudulmuş marixuana” adlı narkotik vasitələri maddi sübut kimi götürüb.