Polis qrup halında zorakılığın təşkil edilməsi və zorakılıqda iştirak etmək ittihamı ilə üç nəfəri saxlayıb

Daxili İşlər Nazirliyinin Sameqrelo–Zemo Svaneti Polis Departamentinin əməkdaşları qrup halında zorakılığın təşkil edilməsi və zorakılıqda iştirak etmək ittihamı ilə üç nəfəri: 1974-cü il təvəllüdlü K.C., 1988-ci il təvəllüdlü Q.K. və 1993-cü il təvəllüdlü İ.K.-ni saxlayıblar. Bu haqda məlumatı Daxili İşlər Nazirliyi yayır.

Qurumun məlumatına əsasən, istintaq Cinayət Məcəlləsinin 225-ci maddəsi ilə aparılır, bu isə 9 ilə qədər azadlıqdan məhrum etməni nəzərdə tutur.

“İstintaqla müəyyən edilib ki, keçmişdə mövcud münaqişə zəminində təqsirləndirilən şəxslərdən biri K.C. Q.K. və İ.K. ilə birlikdə 2004-cü il təvəllüdlü Ş.C.-yə qarşı zorakılıq təşkil edib. Ötən ilin dekabrın 31-də aralarında baş verən qarşıdurma zamanı Ş.C. soyuq və odlu silahdan istifadə etməklə Q.K. və K.C.-yə xəsarətlər yetirib. Polis cinayət törədildikdən qısa müddət sonra 2004-cü il təvəllüdlü Ş.C.-ni “isti izlər”lə saxlayıb, faktla əlaqədar istintaq hərəkətləri isə intensiv rejimdə davam edib.

Hüquq-mühafizə orqanlarının əməkdaşları tərəfindən əldə edilən dəlillərlə K.C., Q.K. və İ.K.-nin günahkar olduğu üzə çıxıb və hüquq-mühafizə orqanlarının əməkdaşları onları Tbilisi, Batumi və Xobidə saxlayıblar” – DİN tərəfindən yayılmış məlumatda deyilir.