Polis, Daxili İşlər Nazirliyinin balansında olan avtomobilə ziyan vurduğuna görə bir nəfəri saxlayıb

Daxili İşlər Nazirliyinin Tbilisi Polis Departamentinin əməkdaşları, həyata keçirilən əməliyyat tədbirləri və istintaq hərəkətləri nəticəsində, başqasının əşyasına ziyan vurmaq ittihamı ilə Rusiya Federasiyasının vətəndaşı – 1995-ci il təvəllüdlü D.K.-ni saxlayıblar. Məlumatı DİN yayır.

Nazirliyin məlumatına əsasən, cinayət üç ilədək müddətə azadlıqdan məhrumetməni nəzərdə tutur.

“İstintaqla müəyyən edilib ki, üzünü xüsusi maska ​​ilə örtmüş təqsirləndirilən şəxs cari ilin martın 28-də Rustaveli prospektində aksiya zamanı Daxili İşlər Nazirliyinin balansında olan avtomobilə qəsdən ziyan vurub və hadisə yerindən qaçaraq gizlənib.

Hüquq-mühafizə orqanlarının əməkdaşları, “isti izlərlə” həyata keçirilən istintaq tədbirləri nəticəsində, təqsirləndirilən şəxsin şəxsiyyətini müəyyən ediblər və onu Tbilisidə saxlayıblar.

İstintaq Cinayət Məcəlləsinin 187-ci maddəsinin 1-ci hissəsi ilə aparılır” – DİN-in məlumatında qeyd olunub.