Polis Acarada vətəndaşlara məxsus külli miqdarda pul vəsaitinin dələduzluq yolu ilə mənimsənilməsi ittihamı ilə iki nəfəri saxlayıb

Daxili İşlər Nazirliyinin Acara Polis Departamentinin əməkdaşları kompleks şəkildə keçirilmiş əməliyyat tədbirləri və istintaq hərəkətləri nəticəsində, qrup halında törədilmiş külli miqdarda dələduzluq ittihamı ilə iki nəfəri — 1980-ci il təvəllüdlü R.K. və 1979-cu il təvəllüdlü, əvvəllər məhkum olunmuş İ.L.-ni saxlayıblar.

Cinayət doqquz ilə qədər müddətə azadlıqdan məhrum etməni nəzərdə tutur.

İstintaqla müəyyən edilib ki, təqsirləndirilən şəxslər Acarada müxtəlif vaxtlarda daşınmaz əmlak almaqla maraqlanan şəxsləri aldadaraq alqı-satqı müqavilələri bağlatdırıblar və bu yolla vətəndaşlara məxsus külli miqdarda pul vəsaitini – ümumilikdə 148 042 ABŞ dollarını mənimsəyiblər.

İstintaq Cinayət Məcəlləsinin 180-ci maddəsinin 2-ci və 3-cü hissələri ilə aparılır.