“PMCG” tədqiqat təşkilatı Gürcüstanın mehmanxanalarının qiymətlərinin ən son tendensiyaları haqda araşdırma hazırlayıb və araşdırmaya əsasən, Gürcüstanda mehmanxana xidmətləri həm aylıq, həm də illik ifadədə xeyli ucuzlaşıb.

Hesabatda qeyd edildiyi kimi, 2025-ci ilin oktyabrında Gürcüstanın mehmanxanalarının qiymət indeksi sentyabrla müqayisədə 9.6% azalıb.

Ən böyük azalma Acarada (-18,5%), Quriada (-13,6%) və Kaxetidə (-11,8%) qeydə alınıb. 3, 4 və 5 ulduzlu mehmanxanaların qiymət indeksi 8.9%-lə, ailə tipli mehmanxanaların qiymət indeksi isə 10.6%-lə azalıb.

Bununla yanaşı, tədqiqat təşkilatında qeyd etdikləri kimi, 2025-ci ilin oktyabrında mehmanxananın qiymət indeksi əvvəlki ilin müvafiq ayı ilə müqayisədə 2.3% azalıb. Ən böyük azalma Mtsxeta-Mtianeti (-13,1%), Sameqrelo-Zemo Svaneti (-11,4%) və Kaxetidə (-11,0%) qeydə alınıb.

Tbilisi qiymət indeksinin illik 2.5% artdığı yeganə böyük bölgədir.