Planlaşdırılan aksiyaya görə Rustaveli prospektində, Birinci Respublika Meydanından (Zeytun ağacından) Azadlıq Meydanı da daxil olmaqla mövcud yol hissəsində nəqliyyatın hərəkəti qadağan edilib. Bu barədə Tbilisi Meriyası tərəfindən yayılmış bəyanatda deyilir.

Bəyanatda qeyd edildiyi kimi, Kote Apxazi və Şalva Dadiani küçələrindən Azadlıq meydanı istiqamətində də hərəkət məhdudlaşdırılıb.

“Azadlıq meydanına doğru hərəkət edən avtonəqliyyat vasitələri Barataşvili küçəsindəki pandusa qədər, Rustaveli prospektinə doğru hərəkət edən avtomobillər isə Birinci Respublika meydanına qədər hərəkət edəcəklər; Qiorqi Leonidze, Pavle İnqoroğva, Aleksandre Cavcavadze, Aleksandre Qriboedov, Nikoloz Barataşvili və Revaz Tabukaşvili küçələrinin yardımı ilə hərəkətə icazə veriləcək; İvane Maçabeli küçəsində nəqliyyatın hərəkət istiqaməti dəyişəcək və Asatiani küçəsindən Maçabeli küçəsi ilə keçməklə Leonidze küçəsinə çıxmaq mümkün olacaq. Sürücülər Petre Melikişvili prospektindən Mtatsmindanın qalan küçələrinə Simon Canaşia, İvane Tarxnişvili, Tamar Covelidze, Mixeil Zandukeli küçələrindən keçməklə, sonra isə Vasil Barnovi, İakob Qoqebaşvili və Polikarpe Kakabadze küçələrindən istifadə etməklə gedə biləcəklər; Mtatsminda rayonunun digər küçələrindən Melikişvili prospekti və “Rustaveli” metrostansiyasına getməyə Aleksandre Qriboedov, Kote Mağaşvili, Vasil Barnovi və Akaki Şanidze küçələri vasitəsilə icazə veriləcək.

“Rustaveli” metrostansiyasının ətrafındakı ərazidən Azadlıq meydanına doğru hərəkət edən şəxsi avtomobillər Rustaveli prospektində, Zeytun ağacının yanından dönərək Mixeil Cavaxişvili küçəsi və Mtkvarinin sağ sahili vasitəsilə hərəkət edə biləcəklər. Məhdudiyyət müddətində qeyd olunan ərazilərdə hərəkət edən ictimai nəqliyyatın hərəkət marşrutları da dəyişdiriləcək. Xüsusilə ictimai nəqliyyatın Rustaveli prospektindən Barataşvili küçəsi istiqamətində hərəkət edən hissəsi bu dəfə Cavaxişvili küçəsi və Mtkvarinin sağ sahili vasitəsilə Barataşvili küçəsinə qoşulacaq, sonra isə müəyyən edilmiş sxem üzrə hərəkəti davam etdirəcək ;

Qorqasali küçəsi və Avlabari meydanından hərəkət edən avtobuslar Barataşvili küçəsində sərnişinlərə xidməti başa çatdıracaq, əks istiqamətdə hərəkət edərkən isə ilkin olaraq Puşkin küçəsinin başlanğıcında dönəcək, sonra isə müəyyən edilmiş qrafik üzrə hərəkət edəcəklər. Avtobuslar: N301, N309, N310, N337 və N345 Barataşvili körpüsündən sağa dönməklə Mtkvarinin sağ sahilinə qoşulacaq, Mixeil Cavaxişvili küçəsi vasitəsilə Tbilisinin Dövlət Konsert Zalına doğru hərəkət edəcək, sonra isə müəyyən edilmiş qrafik üzrə sərnişinlərə xidmət göstərəcəklər. Sözügedən avtobuslar əks istiqamətdə hərəkət edərkən eyni yoldan istifadə edəcəklər, Puşkin küçəsinin başlanğıcından isə dönərək müəyyən edilmiş sxem üzrə hərəkət edəcəklər. N359 Mixeil Cavaxişvili küçəsindən sağa dönməklə Tbilisinin Dövlət Konsert Zalı istiqamətində hərəkət edəcək və sonra artıq müəyyən edilmiş sxem üzrə hərəkət edəcək. Tbilisi-Kocori avtomobil yolunda hərəkət edən nəqliyyat Amağleba küçəsi N17 ərazisində dayanacaq və sərnişinlərə əks istiqamətdə də qeyd olunan ünvandan xidmət göstərəcək” – Tbilisi Meriyasının bəyanatında deyilir.