Macarıstanın xarici işlər naziri Piter Siiarto Qara dənizdə Ukrayna tərəfindən rus tankerlərinə edilən hücumları “dövlət tərəfindən maliyyələşən terror aktları” adlandırıb.

Macarıstan Baş nazirinin ofisinin Beynəlxalq Kommunikasiya və Əlaqə üzrə dövlət katibi Zoltan Kovaçın sözlərinə əsasən, Siiarto bu haqda türk dövlətlərinin təşkilatının energetika nazirlərinin görüşündə deyib.

Nazir Avropa İttifaqının dövlət başçılarını Ukrayna tərəfindən edilən hücumlara tənqidi yanaşmağa çağırıb.

“Ukraynanın “Druzhba” neft kəmərinə hücumları Rusiyaya deyil, Macarıstan və Slovakiyaya zərər verdi, lakin Avropa İttifaqının liderləri hücumları yenə də təriflədilər” – Siiarto bildirib.

Məlumat üçün bildirək ki, noyabrın 28-də Ukrayna Türkiyənin ərazi sularında Qambiya bayrağı altında üzən “Kairos” və “Virat” tankerlərinə hücum edib.